تحذر الحدث المسائى الشعب المصرى من السموم التى تعاد تصنيعها من جديد وهو زيت الطعام الذى يباع بسعر 12 وهو يؤثر على الصحة العامة ويسبب الأمراض السرطانية ..والغريب أن هذا الزيت يتم بيعه لاصحاب المطاعم لبيع الفلافل وأيضا عربات الكبدة ومطاعم اخرى كل هذا يحدث دون رقابة تموينية أو مفتشين صحة ..مولد وصاحبة غايب لذا يجب التصدى لكل من تسول له نفسه و بيع الزيت ب25ج للمطاعم وب30ج المواطنين وإعادته من جديد بطريقة غريبة وبيعه و 20 كيلو زيت بيتعملهم خلطه ب1 كيلو نشأ على كيلو مياه بارده وبيدوبو النشا فى المياه كويس جدا ثم تضاف إلى الزيت المستعمل ويترفع على نار هاديه جدا
مهما كان الزيت اسود او فى رواسب أو زيت لحوم أو زيت سمك أو زيت مقلي . هتلاقي النشا سحبت كل ده وتكتلت معاك فى قاع الحله
بيتم تصفية الزيت بمصفاه وبيرجع لونه اصفر صافي احسن مما كان عليه
ويرجع تانى لحضرتك على صورة زيت نقي فاتح وعمرك ما هتقدر تعرف أنه مستعمل قبل كده غير بالتحليل
هل بقا الطريقه دى صحيه ؟
طبعا لا لا لا لا لا
انا مش هقولك بيجيب سرطان وأمراض كذا وكذا لانى فعلا معرفش ايه أضراره
بس لو حكمت عقلك وبحثت هتعرف أنه مضر جدا جدا جد
الكيلو ولا ال2 كيلو زيت اللى حضرتك بتبيعهم ب20 ولا 25ج فى الشهر بيكونو سبب فى اذي لناس كتير تانيه
حضرتك ممكن تكون بتشترى زيت عافيه أو سلايت أو الأنواع النضيفه دى لكن فى ناس غلابه متقدرش على سعر الأنواع دى وبتشترى من الزيت السايب اللى كنا لسه بنحكى عليه
وعلى فكره أغلب مطاعم الفول والطعميه والمطاعم عمتا بتستخدم زيت مجهول المصدر لرخص سعره واللى هو طبعا معمول ليه إعادة التدوير لذا نطلب مديرية التموين ومباحث التموين بعمل حملات مكبره وضبط الزيت منتهى الصلاحية أو إعادة تشغيلة خلى بالكم يابلد
